2017 жылдың 13 қаңтар күні инклюзивті білім беру республикалық орталығы № 27 ЖББОМ қабырғасында білім бөлімінің әдістемелік кабинет басшылығымен «Инклюзивті білім берудің негізгі құндылықтары. Мектепті инклюзивті білім беруге дайындау» тақырыбында оқыту семинары өтті.  Семинарға 130 аса қатысушылар қатысты, оның ішінде жалпы білім беретін білім беру ұйымдарының директордың оқу ісі жөніндегі орынбасары, психолог, логопедтер. 
   Семинар барысында Қарағанды қаласындағы инклюзивті білім берудің қазіргі таңдағы жағдайы, инклюзивті білім берудің философиялық аспектілері, білім беру ұйымдарына инклюзивті білім беруді еңгізудегі ұйымдастыру – басқару мәселелері талқыланды.
  Ерекше білім беру қажеттіліктері бар оқушыларға психолого-педагогикалық сүйемелдеуді қамтамасыз ететін мамандарға сүймелдеу жүргізу бағдарламасын құру бойынша шебер-сынып өткізіліп, мамандардың сүйемелдеу құжаттары бойынша көрме ұйымдастырылды. Мамандарға жұмыс құжаттарын толтыру дағдыларын шыңдауға мүмкіндік жасалды.
Кері байланыс орнату сауалнамасының қорытындысы семинардың мазмұндылығын, өзектілігін және ұйымдастырудың нәтижелігін аса жоғары бағалап, инклюзивті білім беру тәжірибесін талқылауға қатысушылардың қатысуына мүмкіндік жасалғандығы атап өтілді.