Ағымдағы жылдың 12 қаңтарында ЖББ №77 мектеп-балабақша кешені жоғары оқу орындар мен мектептердің нәтижелі ынтымақтастық қарым-қатынастарының жаңа бастамасына ауысуының елеулі және тартымды жобасын өз қолына алды. Мектеп қабырғасында  Е.А.Букетов атындағы ҚарМУдың филология факультетінің Ғ.А. Мейрамов атындағы орыс тілі мен әдебиетін оқытудың әдістемесі және практикасы кафедрасының оқытушыларымен «Жоғары оқу орындары мен  мектептердегі орыс әдебиетін оқытудағы  жаңаша  көзқарас» атты I  ғылыми-практикалық конференцияны бірлесе отырып өткізді. Конференция барысына қала мектептерінің және ҚарМУ-дың оқытушылары қатысты. Шығармашылықпен жұмыс істейтін көп ұстаздар үшін конференцияға қатысуы маңызды оқиғаға айналып, өзіндік тәжірибесінде пайдаланатын әдіс-тәсілдерімен, жаңаша технологияларымен танысуларына бірегей мүмкіндік туды. Аталған конференция мұғалімдердің АҚТ- құзіреттіліктерінің деңгейін көтеретін тәсілдермен, озық тәжірибеде қолданатын әдістермен, шығармашылықпен алмасуына себеп болды және білім қызметкерлерінің кәсіби дамуына бағытталған бірыңғай ақпараттық кеңістікті құруына ықпал жасады. Конфенцияның мақсаты: мұғалімдердің әдістемелік пен кәсіби деңгейін жетілдіруіне жағдай жасау.

Конференцияға қатысушыларды және қонақтарды ЖББ № 77 МБК-нің директоры Жантыбаева З.Р., қалалық білім бөлімінің әдіскері Лаверженцева Е.В., Е.А.Букетов атындағы ҚарМУдың филология факультетінің Ғ.А. Мейрамов атындағы орыс тілі мен әдебиетін оқытудың әдістемесі және практикасы кафедрасының меңгерушісі Балмагамбетова Ж.Т. қарсы алды. Пленарлық отырыста А.Букетов атындағы ҚарМУдың филология факультетінің Ғ.А. Мейрамов атындағы орыс тілі мен әдебиетін оқытудың әдістемесі және практикасы кафедрасының доценты, филология ғылымдарының кандидаты Жетписбаева М.А. «Буктрейлердің дидактикалық функциялары» атты баяндаманы тыңдаушылардың назарына ұсынды. Аталған кафедраның аға оқытушысы Мамедова М.Г. қоғамдағы оқу мәселесін өзінің «Оқуды ұйымдастыру әдеби білім алудың маңызды мәселесі» атты баяндамасында көтерді. № 39 гимназияның мұғалімі Каржасбекова М.К. «Әдебиет сабақтарында графикалық органайзерлерді қолдану» тақырыбында өзінің тәжірибесімен бөлісті.

Конференцияның екінші бөлімі 4 секция бойынша өтті:

1. Орыс әдебиеті сабақтарындағы білім сапасын арттыру мақсатында инновациялық технологияларды пайдалану.

2. Оқытудың тиімділігін арттыру мақсатында орыс әдебиеті сабақтарында мультимедиялық жобаларды қолдану.

3. Сабақтан тыс іс-шаралар оқушылардың орыс әдебиетіне қызығушылығын арттыру механизмі. 

4. Қазіргі білім беру әлемінде  оқу мәселесін алға бастыру.

Конференцияның үшінші бөлімінде қазылар алқасы секциялар бойынша қорытынды жасап, баяндамашылардың арасында жеңімпаздарды марапаттады, дипломдар мен сертификаттарды, мақала жинақтарды табыс етті.