ӘК 2016-2017 оқу жылына арналған жоспары бойынша 21 желтоқсан күні М. Жұмабаев атындағы №39 гимназия базасында  "Білім беру мазмұнында жаңартылған  сапалы біліммен қамтамасыз ету" тақырыбында семинар өтті. Семинардың кіріспе бөлімінде гимназия директоры Базыл Ж. С. мектептің жалпы жағдайы мен 1-сынып мұғалімдерінің жаңартылған білім мазмұны бойынша курспен қамтылуы жайында айтып кетті. Семинардың практикалық бөлімінде жаңартылған білім мазмұны бойынша 1-сыныптарда сабақ беретін бастауыш сынып ұстаздары өз іс-тәжірибелерімен бөлісті. Семинарға қала мектептерінен 88 бастауыш сынып мұғалімі қатысты. Аталған іс-шараның қонағы ретінде «Өрлеу» БАҰО АҚ Қарағанды облысы бойынша педагогикалық қызметкерлердің біліктілігін арттыру институтының мамандары Мукушева М. А, Акульбекова Н. З., Айткенова М. Б., Майбасова У. А., Шадетова А. К. және жаңартылған білім мазмұны бойынша ПШО тренері Акмагамбетова А. М. арнайы шақырылды.

Семинарда 1-сыныптың мұғалімдері үш пән бойынша ашық сабақ өткізді: сауат ашу, математика, дүниетану.  Мұғалімдер өз сабақтарында топпен және жұппен жұмыс жасаудың тиімді жақтарын көрсете білді.

 Дөңгелек үстел барысында мұғалімдер арасында келесі мәселелер талқыланды: 1-сыныптарда қалыптастырушы бағалауды ұйымдастыру, оқушының портфолиосы т.с.с.

Қорытынды бөлімінде қатысушылар гимназия мұғалімдері мен әдістемелік көмек көрсеткен Қарағанды облысы бойынша педагогикалық қызметкерлердің біліктілігін арттыру институтының мамандарына алғыстарын айтты.