Қазақстан Республикасы Тәуелсіздігінің 25 жылдығына орай және «Мың бала» республикалық мәдени-ағартушылық жобасы аясында қалалық білім бөлімінің жоспарына сай 2016 жылғы 30 қараша күні №5 ЖББОМ базасында өзге тілде оқытатын мектеп оқушыларының арасында қалалық «Тиімді тілдік орта» викториналар сайысы өтті.
Сайыстың мақсаты: мектеп оқушыларына мемлекеттік тілді үйретуде қоғамның рухани негізі болып табылатын ұлттық құндылықтарды бойларына сіңіру және өзге ұлт балаларының мемлекеттік тілді меңгеруге деген құштарлығын арттыру, қазақ халқының әдеби мұрасына, салт-дәстүріне, мәдениетіне, тарихына деген қызығушылықтары жоғары оқушыларды анықтау.
Сайысқа қаланың 28 білім беру ұйымынан 84 оқушы қатысты.Үш бағыт бойынша өткізілген сайыстың нәтижесі төмендегідей болды:
Бас жүлде-№27 ЖББОМ оқушылары,
І орын - №33 МБК оқушылары,
ІІ орын - №5ЖББОМ және №10 ЖББОМ оқушылары,
ІІІ орын - №35ЖББОМ және №38 гимназия оқушылары.
1-кезең бойынша үздік нәтиже көрсеткен білім беру ұйымдарының
оқушылары қалалық білім бөлімінің алғыс хаттарымен марапатталды.
Алғаш рет өткізіліп отырған сайыс мұғалімдер мен оқушылар тарапынан қызығушылық туғызды.
Авторство:
