Қарағанды облысының білім басқармасы №9 гимназиямен бірлесіп Қарағанды қаласы білім бөлімінің қолдауымен 2016 жылдың 26 қарашасында 9 сыныпта «Құқық бұзушылық үшін кәмелетке толмағандардың жауапкершілігі» тақырыбына арналған тарих және құқық пәндерінен кіріктірілген сабақ өткізді.

Аталған сабақ қарашаның 21-26 аралығында жарияланған «Құқықтық сауаттылықты арттыру апталығының» қорытындысы бойынша оқушыларға құқықтық тәрбие беру, олардың құқықтық білімдерін жетілдіру және кәмелетке толмағандардың арасында құқық бұзушылықтың алдын алу мақсатында ұйымдастырылды.

Сарапшылар ретінде сабаққа Қарағанды облысының ІІД ЖПҚ ювеналды полициясының бастығы, полиция майоры Құттыбаев Р.С., Қарағанды қаласының Октябрь ауданы прокуратурасының бөлім прокуроры Кокушев А.М., Қарағанды облысы білім басқармасының кәмелетке толмағандардың құқығын қорғау бөлімінің бастығы Қантарбаева А.Е., сонымен бірге Қарағанды облысы білім басқармасының және Қарағанды қаласы білім бөлімінің мамандары қатысты.  

Онлайн тәртібінде 200 жуық білім ұйымы қатысқан сабақ барысында оқушыларға қолданыстағы заңнама қағидалары, әртүрлі құқық бұзылышықтар үшін жауапкершілік түсіндірілді. Оқушылар өздері де тақырыптық кластерді құрастыруға, ұсынылған бейнероликті талқылауға, ситуациялық тапсырмаларды орандауға белсене қатысып, қойған сұрақтарға жауап алды.

Онлайн тәртібінде құқықтық сабақтарды өткізу практикасы жалғасатын болады.