2016 жылғы 21 қазанда №108 «Арман» б/балабақшасы КМҚК базасында «Баланың сөйлеу тілін дамытуда отбасының логопедиялық қолдауы» тақырыбында Қарағанды қаласы логопедтеріне арналған семинар – практикум өтті.
Балабақшалардан, шағын-орталықтардан 24 логопед қатысты.
Семинардың теориялық бөлімінде №108 «Арман» б/балабақшасы мен «Байтерек» балабақшаларының логопедтері отбасын логопедтік жұмыстарға тарту туралы іс-тәжірибелерін ұсынды. Ата-аналардың педагогикалық мәдениетін арттыруға бағытталған әртүрлі әдістер мен тәсілдердің қолданылуына ерекше назар аударылды.
Семинардың практикалық бөлімінде «Лингвистикалық зертхана» тақырыбында ересек топта ата-аналарымен бірлесе ұйымдастырылған оқу қызметі, семинарға қатысушыларымен «Ойнаймыз да, дамимыз» атты шеберлік сыныбы, ата-аналардың қонақ бөлмесінде «Бірге дұрыс айтып үйренейік» атты жұмыс түрлері ұсынылды.
Семинардың қорытындысында «Пікірлер мен ұсыныстар ағашы» атты рефлексиясы ұйымдастырылды, онда әрбір қатысушы көргендері бойынша, ұсынылған материалдың сапасын бағалауға қатысты өздерінің ұсыныстары мен пікірлерін айтты.
Әріптестер тарапынан жоғары бағасын алған семинар тиімді әрі нәтижелі өтті деуге болады.
Авторство:
