Қарағанды қаласы білім бөлімінің жоспарына сай орыс сыныптарында оқитын  ұлты қазақ ер балалар арасында  ІХ қалалық  «Ана тілі сұлтаны» байқауы өтті. Байқауда қаламыздағы гимназия, мектеп-лицей, жалпы білім беретін орта мектептер мен негізгі орта мектептерде оқитын ұлты қазақ ер балалары өнер көрсетті. Байқау  №15 жалпы білім беретін орта мектепте өтті. Оған қаламыздың 25 мектебінің 8-11 сынып  оқушылары қатысты.

         «Ана тілі сұлтаны» байқауының мақсаты: ұлы педагог,балалар әдебиетінің атасы – Ыбырай Алтынсарин мен тіл білімінің атасы,аудармашы,ақын – Ахмет Байтұрсыновтың шығармашылығы дәріптеу, өнеге ету және қазақ тілінің мәртебесін көтеру болатын. Сондықтан байқауға қатысқан оқушылар   Ыбырай Алтынсарин мен Ахмет Байтұрсыновтың  шығармаларынан үзінділерді нақышына келтіре орындай отырып, көрермендерге әсерлі де қызықты кеш сыйлады.Байқау барысында қатысушыларымыз өздерін түрлі қырынан көрсетіп қана қоймай, сұрақ – жауап бөлімінде өздерінің білім деңгейлерін де сынға салды. 

       Байқауда жігіттердің өнерін таразыға салып талқылап, саралап,әділ бағасын беретін әділқазылар алқасы әділ бағасын беруге тырысты. Әділқазылар алқасының құрамы қала мектептерінің қазақ тілі мен әдебиеті пәнінің мұғалімдерінен құралды.

        Байқауда өз өнері мен білімі жағынан басым түскен оқушылар жүлделі орындарға ие болса, өз өнерлерімен ерекшеленген оқушылар  түрлі номинацияларға ие болды.Қорыта келе №15орта мектеп оқушысы 1-орынды, №56 НОМ, №93 гимназия оқушылары 2-орынды, №1 гимназия, №34 НОМ,№48ОМ және №97гимназия оқушылары  3-орынды  қанжығаларына байлады.