2016 жылдың 26 тамызында №2 өнер мектебі Юнеско Клубы Қарағанды қаласы білім бөлімінің, Қарағанды қаласы мәдениет және тілдерді дамыту бөлімінің қолдауымен «Білімді өнерден баста» атты қалалық шығармашылық акция өткізді.

Аталған акция қала тұрғындарын, әсіресе балаларды, №2 өнер мектебінің жұмысымен кеңінен таныстыру, сонымен қатар жұртшылықты шығармашылық пен өнерге тарту мақсатында ұйымдастырылды.

Қаланың ірі сауда орталықтарының аумағында өткізілген акция барысында өз қойылымдарын көптеген республикалық және халықаралық байқаулардың жеңімпаздары болып атанған №2 өнер мектебінің оқушылары, педагогтары және шығармашылық ұжымдар, анық айтқанда орыс халық аспаптар ансамблі, «Сарыарқа Әуендері» фольклор ансамблі, «Меруерт» және «Веселые нотки» хор ұжымдары, «Арнау» би ансамблі, «Алтын шашу» театр ұжымы, сонымен бірге «Жұлдыз» эстрада-цирк ұжымы көрсетті. 

Мектеп оқушылары және педагогтары өздерінің жоғары шығармашылық шеберліктерін көрсете білді және барлық жиналған көрермендерге нағыз шығармашылықтың мерекесін ұсынды.