Балалар жол-көлік жарақаттануының алдын алу мақсатында жыл сайын Қарағанды қаласының білім бөлімі Қарағанды қаласының ІІБ бірлесіп мектептердегі жол қозғалысы жас инспекторларының арасында қалалық байқау ұйымдастырады.

2015-2016 оқу жылында қалалық байқауының қорытындысы бойынша №101 мектеп-лицей және №32 орта мектебінің командалары жеңімпаз атанды. Ағымдағы жылдың маусым айында өткізілген жас инспекторлардың облыстық байқауында №32 орта мектептің командасы 3 орынға қол жеткізді, ал №101 мектеп-лицей 1 орынға ие болып, 17-26 тамыз аралығында Алматы облысы «Тау Туран» БСО негізінде өткен Г. Байтасов атындағы XVI Республикалық слетте Қарағанды облысының намысын қорғады. Сонымен қатар, Республикалық слетке Қырғызстан және Ресей Федерациясынан командалар қатысты. 

Республикалық слетте №101 мектеп-лицейдің жас инспекторлары жақсы дайындық деңгейлерін көрсетіп, үгітбригада және санитарлар байқаулары бойынша 2 жүлделі орынға қол жеткізді.  Республикалық сайыстың қорытындысы бойынша №101 мектеп-лицей 3 жалпыкомандалық орынға ие болды!

Қарағанды қаласының білім бөлімі оқушыларды және команда жетекшісі А.В. Ткаченконы республикалық слетке табысты қатысуымен құттықтайды және жаңа жеңістер тілейді!