Қалалық білім бөлімінің жоспарына сәйкес «№38 гимназия» КММ «Ағылшын тілі сабақтарында жаңа тәсілдемелер арқылы қарым-қатынас және әлеуметтік қатынас дағдыларын дамыту» атты семинар-практикум өткізілді. 

Мақсаты: Ағылшын тілі сабақтарында жаңа тәсілдемелерді енгізу арқылы қарым-қатынас дағдыларын дамыту мақсатында стратегияларды пайдалану.

«№38 гимназия» КММ мұғалімдері Нам Т. Н., Миллер Е. В., Юрина Е. В., Полковникова О. Ю.  семинарға қатысушылармен 4 шеберлік сыныптарын өткізді. Шеберлік сыныптары барысында семинарға қатысушыларды топтық жұмыс, диалогтік оқыту, сын тұрғысынан ойлау, өзара және өзін-өзі бағалау модулдерінің стратегияларымен таныстырды.

Қарағанды қаласы ББ әдіскері Абеуова С. К. қала мектептеріндегі ағылшын тілін оқыту мәселесіне ерекше назар аударды. 

Семинарда Study Inn орталығының өкілдері сөз алды: Пак В. С. - «Professional Development Centre» орталығының аға оқытушысы, «CELTA» сертификаты және Rollins J. L. – ағылшын тілі оқытушысы, , «CELTA» сертификаты, олар ағылшын тілі мұғалімдерімен өткізілген тестілеу нәтижесіне сараптама жасады.

Қалалық білім бөлімінің әдіскері Абеуова С. К. семинар жұмысын қорытындылай келе, гимназия ұжымына алғыс білдірді.