Қалалық білім бөлімінің жоспарына сәйкес «№81 ЖББОМ» КММ базасында «Оқу шаттығы» - оқу сауаттылығын қалыптастыратын әлеуметтік – педагогикалық жоба тақырыбында қалалық семинар өтті. Семинарға қаламыздың қазақ және орыс сыныптарына дәріс беретін қазақ тілі мен әдебиеті пәндерінің мұғалімдері қатысты. Семинардың ерекшелігі жобаға қатысып жүрген бес  мектеп өзара іс – тәжірибелерімен бөлісті.  Семинар жоспарына сәйкес  жобаға қатысушы мектеп мұғалімдері сыныптан тыс сабақтар көрсетті. Атап айтқанда, №66 ЖББОМ  қазақ тілі мен әдебиет пәні мұғалімі Алшымбекова Н.М. 81ЖББОМ-ның 10-сынып оқушыларымен «Ыстықкөл сапарының күнделігі» тақырыбында; № 81 ЖББОМ қазақ тілі мен әдебиет пәні мұғалімі Ускенбаева Ш.С.5-сыныпта «Шығарманы таны» тақырыбында сабақтар көрсетті, сабақ соңы оқушылардың Ұлы Отан соғысы, бейбітшілік, қоғамымыздағы келеңді, келеңсіз жағдайлар туралы өз пікірлерімен бөлісумен жалғасты, сабақ №66 ЖББОМ  қазақ тілі мен әдебиет пәні мұғалімі Қыйлыбай Динараның баптап жүрген дарынды оқушысы Тайшубекова Гаухардың  «Жетім қыздың монологі»  туындысын мәнерлеп оқуымен қорытындыланды. 

Семинарға қатысушы мұғалімдер үшін №81 ЖББОМ қазақ тілі мен әдебиет пәні мұғалімі Акогузова С.С., №39 гимназияның қазақ тілі мен әдебиет пәні мұғалімі Жакишева Ж.К. «Көркем шығарманы сыни тұрғыдан талдау» тақырыбында коучингтер өткізді. Коучинг барысында оқушылардың оқу сауаттылығын, көркем шығармаға деген сүйіспеншіліктерін дамыту үшін жүргізілетін көптеген  әдіс – тәсілдер ортаға салынып, ұстаздар  өзара  тәжірибе  алмасты. 

Жобаға қатысушы №86 ЖББОМ қазақ тілі мен әдебиет пәні мұғалімі М.С. Габдуллинаның оқушылары Д.Исабековтің «Әпке» шығармасынан қойылым көрсетті. Тұлғаның туа біткен қабілеттерінің ашылуына септігін тигізетін «Оқу шаттығы» жобасының  өзекті де тиімді әлеуметтік жоба екендігін қойылым көрсеткен оқушылар тағы бір дәлелдегендей болды.