2016 жылғы 29 сәуірде «Жыл сыныбы - 2016» І қалалық байқауы өтті. Байқаудың мақсаты: салауатты бәсекелестік қалыптастыра отырып, оқушылардың білімділік және тәрбиелік деңгейін арттыру арқылы зияткерлiк және шығармашылық потенциалын көтеру.
Байқау «№39 гимназия» КММ аясында өтті. Оған Қарағанды қаласының №№3, 12, 18, 22, 23, 34, 36, 39, 53, 54, 68, 77, 92, 93 білім ұйымдарынан 8-10 сыныптардың оқушыларынан құралған 14 команда қатысты.
Байқау 3 кезеңнен тұрды. Іріктеу, сайыстық, қорытынды кезең.
• Іріктеу кезеңінде сайысқа қатысушылар бір жыл бойғы жан-жақты жетістіктерін жинастырып, сыныппен ашық тәрбие сағатын өткізді.
• Сайыстық кезеңде сыныпты әр қырынан сынға алатын, оқушылардың интеллектісін, логикасын, шығармашылдығын анықтайтын тапсырмалар берілді.
• Ақтық кезең, яғни қорытынды кезеңде сынып оқушылары өз сыныптарын жарнамалап, 5-7 минут аралығында сахнада өнер көрсетті.
Финалда №34, 39, 53, 68, 77, 92 білім беру ұйымдары қатысты.
Финал қатысушылары келесі номинацияларға ие болды:
«ШЕШЕНДЕР» - № 53 МЛ
«ТАПҚЫРЛАР» - № 68 МИББК
«АЛҒЫРЛАР» - № 39 Гимназия
«ТАЛАПТЫЛАР» - № 34 НОМ
«ІЗДЕНУШІЛЕР» - ЖББ № 77 МБК
№92 гимназияның 9 «А» сынып оқушылары «ЖЫЛ СЫНЫБЫ - 2016» атанды.
Жеңімпаз сыныпты жеңістерімен құттықтай отырып, биік шыңдарды одан әрі бағындыра беріңдер деп тілек білдіреміз.
Авторство:
