2016 жылдың 07 сәуірі №36 ЖББОМ базасында отансүйгіштікті кеңінен насихаттау, таланттарды тану, жыраулар поэзиясының ұрпақпен жалғастығын көрсету, өлең құдіреті арқылы тіл мәртебесін көтеру мақсатында «Жыр жазамын жүрегіммен...» атты ұстаздар арасындағы І қалалық жыр  мүшайрасы өтті. Жыр мүшайрасын облысымызға белгілі Мирас Асан, Мұқаев Ілияс сынды ақындар ашып, қазылық етті.  Бас жүлдеге №36 жалпы білім беретін орта мектебінің қазақ тілі мен әдебиеті пәні мұғалімі Кептербаева Айгүл Сағынтаевна ие болса, І орынды №77 МБК бастауыш сынып мұғалімі Тажина Шолпан Қойшыбекқызы иеленді. Мүшайраға қатысушы ақын ұстаздардың барлығы дерлік мадақтама, алғыс хаттармен марапатталды, сертификаттар берілді. Алғашқы қалалық жыр мүшайрасы көпшілік көңілінен шығып, осы шараны ұйымдастырып, қолдау көрсетіп отырған қалалық білім бөліміне алғыс білдірілді. 

І қалалық ақындар мүшайрасының жеңімпаздарын құттықтаймыз!