Қалалық  білім бөлімінің  жоспарына сәйкес  №92 гимназияда «Оқыту мен оқуда АКТ-ны  пайдалану жолдары» тақырыбында қалалық семинар-практикум өткізілді. 

Семинардың мақсаты: қазақ тілі мен әдебиеті пәнін  оқыту мен оқуда АКТ-ны пайдалану жолдарын насихаттау. 

Семинардың ашылуында директордың оқу –тәрбие ісі жөніндегі орынбасары А.Б.Сағатова   гимназиядағы 2011жылдан нәтижелі жұмыс істеп жатқан Ақпараттық орталық туралы, орталықтың нәтижеге бағытталған білім беру жүйесіндегі сапалы білімді жетілдірудегі маңыздылығы мен қосқан үлестері туралы айтты. ҚББ әдіскері Г.Б.Жаркеева қала бойынша қазақ тілі мен әдебиеті сабақтарында АКТ-ны қолдану деңгейіне тоқталды. Директордың оқу- тәрбие жұмысы жөніндегі орынбасары Н.Б Жексенбина «АКТ бойынша сауаттылық теориясы» тақырыбындағы баяндамасында АКТ құрылғыларының атауын сауатты атау және практикада тиімді, дұрыс пайдаланудағы білім, білік-дағдыларын тереңдете түсті. Гуманитарлық пәндер кафедрасының жетекшісі Ж.С.Тлеубергенова activote  арқылы  семинарға қатысушылардан практикада АКТ-ны қолдану деңгейі туралы сауалнама–тест алды және қатысушыларды топтарға бөліп, «Оқыту мен оқуда АКТ–ны қолдану» тақырыбында  swot-талдау жүргізді. ҰБТ-ға дайындау кезіндегі АКТ-ны қолданудың тиімділігін қазақ тілі мен әдебиеті пәні мұғалімі  Ж.Ж.Намазбаева «Joy class» және директордың оқу –тәрбие ісі жөніндегі орынбасары А.Б.Сағатова   «Quick.exam system» жүйесімен практикалық жұмыс жасау барысында көрсетті.  Директордың  ақпараттандыру ісі  бойынша орынбасары А.А.Нұрмағанбетов семинарға қатысушылардың сұрақтары бойынша осы жүйелердің артықшылығы мен ерекшелігі туралы мағлұматтар берді. Семинар тақырыбына сәйкес жас маман Ж.Т.Жунусова  «Алаш көсемі-Әлихан» тақырыбындағы сыныптан тыс сабағында флипчарттың мүмкіндіктерін көрсетсе, екінші жас маман А.Т.Қабыкен «Менің атым –Қожа» тақырыбындағы сабақта  «e-Learning» электрондық оқыту жүйесіндегі сандық білім беру ресурсы мен classmate мүмкіндіктерін қалай қолданып жүргендерін ортаға салды. Жаңашыл ұстаз Ж.С.Тлеубергенова «Толағай» ертегісінің отансүйгіштік мәні» тақырыбындағы сабағында флипчарт, activote  мүмкіндіктерін қолданудың тиімділігін көрсетіп, тәжірибесімен бөлісті.

Семинар барысында алынған сауалнамалар көрсеткіштерінде ұстаздардың АКТ мүмкіндіктерін толық пайдаланбайтындықтары, оның ішінде «Power Point» бағдарламасында презентация жасаумен шектелетіндіктері, сандық білім беру ресурстары аз қолданылатындықтары байқалды. 

Қалалық білім бөлімі әдіскері Г.Б.Жаркеева семинарды қорытындылау кезеңінде ұстаздар тарапынан оқыту мен оқуда АКТ-ны қолдану бойынша білімдерін жетілдіруге көп мүмкіндік алғандығын айтып, гимназия ұжымына алғыс білдірді.