2016 жыл 25 ақпанда Қарағанды облысының ТЖ департаментінің дағдарыс орталығында Республикалық интерактивті сабақ өтті.
ТЖД қызметкерлері Республиканың 5-11 сынып оқушыларын «1 наурыз – Бүкіләлемдік азаматтық қорғаныс Күні», «Көктемгі демалыстар: су тасқыны кезіндегі тәртіп ережесі және тұрмыстық электрлік және газ құралдарын пайдалану», «Суға кеткен адамға алғашқы дәрігерге дейінгі көмек көрсету ережесі» тақырыптарында өткізілген интерактивті сабаққа шақырды. Техникалық қиындықтарға қарамастан, Республикалық интерактивті сабаққа 340 мектептен 8500 оқушы қатысты. Ал дағдарыс орталығындағы интерактивті сабаққа №41 және №62 ОМ оқушылары қатысты.
Күнделікті мектеп мұғалімдердің орнына бұл сабақта Қарағанды облысы ТЖ департаментінің қызметкерлері, ҚР ІІМ ТЖ Комитеті тұрғындар мен аумақты қорғау бөлімінің бастығы және Апаттар медицинасы орталығының дәрігер – басшысы және фельдшері болды.
Бүкіләлемдік азаматтық қорғаныс Күні туралы оқушыларға ҚР ІІМ ТЖ Комитеті тұрғындар мен аумақты қорғау бөлімінің бастығы подполковник А.Ж.Дұрысбеков баяндады. Балалар азаматтық қорғаныс тарихының ең қызықты сәттерін білді.
Оқушыларға су тасу мерзіміндегі тәртіп ережесі туралы өте маңызды және басты ақпаратты облыстық ТЖ департаменті төтенше жағдайлардың алдын алу бөлімінің бас маманы Омарбаева Г.С. кеңінен түсіндірді.
Техниканың даму ғасырында заманауи электр техникасынсыз өмір сүру мүмкін емес, бірақ олардан да қауіп бар. Сондықтан өртті мемлекеттік бақылау басқармасының бас маманы азаматтық қорғау полковнигі Еременко Н.А. оқушыларға тұрмыстық электрлік және газ құралдарын пайдалану бойынша ережелермен таныстырды. Балаларға өртке қарсы мәдениетті меңгерту – өртті азайтудың бірден – бір тиімді әдісі.
Адамдарды құтқару тек құтқарушылардың борышы ғана емес, әр адамның борышы, себебі - адам өмірі ең бағалы құндылық. Өсіп келе жатқан ұрпақ дәрігерге дейінгі алғашқы көмек көрсетуді білулері тиіс. ҚР ІІМ ТЖК Апаттар медицинасы орталығы облыстық филиалының басшы –дәрігері Ковриков А.Ю мен фельдшері суға кеткен адамға алғашқы дәрігерге дейінгі көмекті қалай көрсету қажеттігін баяндады.
Сонымен қатар, тұрмыстағы, мұздағы қауіпсіздік бойынша әр түрлі өмірлік жағдайлар қарастырылып, бұл жағдайларда өзін-өзі қалай ұстау керектігі айтылды.
Республикалық интерактивті сабақта алға қойылған мақсатқа толығымен орындалды.
Авторство:
