2016 жылдың 19 ақпанында № 6 «Алданыш» балабақшасында «Мектепке дейінгі мекемелердегі түзету-дамыту іс-әрекеті – инклюзивті тәжірибені дамыту ресурсы» тақырыбында қалалық семинар өтті. Оған 32 маман қатысты.

Алдағы жұмыс бағытын анықтау мақсатында, білім бөлімінің әдіскері «Мектепке дейінгі білім беру мекемесіндегі инклюзивті тәжірибенің қазіргі кезеңі» тақырыбында әдістемелік сервис өткізді.            

Семинардың тәжірибелік бөлігінде семинарға қатысушыларға екі ашық сабақ көрсетілді. Сабақтарда заман талабына сай ақпараттық технологиялар мен дәстүрлі емес технологиялар: интерактивті тақтаның көмегімен флипчарттар көрсетіліп, экранды қолдана отырып көзге арналған жаттығулар жасалды, бейнелеу әрекетінде пластилинографика қолданылып,  балалар мыжылған қағазбен сурет салды.               

Семинардың теориялық бөлігінде «Қуаныш», «Алданыш» балабақшалары қызметкерлерінің баяндамасы тыңдалды. «Қуаныш» балабақшасының логопедтері «Ш» дыбысының қойылуына арналған әдістемелік құралын қатысушылар назарына ұсынды. «Арман» балабақшасының логопедтері «Сөйлеу әрекеті бұзылған балалармен мектепке дейінгі мекемелерде өткізілетін логоритмиялық жаттығулар» тақырыбынеда шеберлік сыныбын өткізді.        Сонымен қатар семинарға қатысушылар әдістемелік жәрмеңкеге қатысуға мүмкіндік алды. Жәрмеңкеге № 6 «Алданыш» балабақшасы педагогтары жазған әдістемелк құралдар қойылған.

Семинардың қорытындысы «Чемодан, еттартқыш, себет» ойыны түрінде өтті.        

Қонақтар семинардың маңыздылығын, мазмұндылығын, заманауилығын, тәжірибелік жағынан бағалылығын атап өтті.