ҚР Президенті Нұрсұлтан Назарбаевтың «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты тұжырымдамалық бағдарламасын насихаттау және білім ұйымдарының жоғары сынып оқушылары арасында еңбек нарығына бағытталған кәсіп бойынша жұмыс істеп, мамандықтарын таңдау мақсатында 2016 жылдың 11 ақпанында Қарағанды қаласының №101 мектеп-лицей аясында Қарағанды қаласының Білім бөлімінің және «Өрлеу» БАҰО» АҚ филиалы Қарағанды облысы бойынша ПҚ БАИ ұйымдастыруымен "Әлеуметтік әріптестік жағдайында жоғары сынып оқушыларын кәсіптік бейіналды және кәсіптік бағдарға дайындау" тақырыбында облыстық «дөңгелек» үстел өткізілді.

  Іс-шараға Қарағанды облысы білім беру ұйымдарының мектеп директорларының кәсіптік бағдар беру ісіне жетекшілік ететін орынбасарлары, педагог-психологтер, Қарағанды агротехникалық колледжінің, Қарағанды жол-көлік технологиясы колледжінің, Қарағанды коммерциялық колледжінің, Қарағанды банк колледжінің директорларының кәсіптік білім беру бойынша орынбасарлары қатысты.

Модераторлар ретінде Қарағанды қаласы Білім бөлімінің әдістемелік кабинетінің меңгерушісі Раманаускайте Э. А. және Қарағанды облысы ПҚ БАИ ИДӘҚЕ бөлімінің бастығы Ибрагимова Г.К. баяндамалар жасады.

Негізгі баяндамашылардың ақпаратынан қатысушылар оқушыларға кәсіптік бағдар берудің тиімді жолдары мен жеке әдістері туралы білді.

Қарағанды қаласының №101 мектеп-лицейінде бірнеше жылдан бері ерте кәсіптік бағдар беру негізіндегі үздіксіз көпдеңгейлі кәсіптік бағдар беру моделімен директордың кәсіптік білім беру жөніндегі орынбасары Козловская М.П. таныстырды.

Ресурстық орталық жағдайында жоғары сынып оқушыларын кәсіптік бейіналды және кәсіптік бағдарға дайындау іс-тәжірибесімен Қарағанды қаласының №5 НОМ директорының ҒӘЖ орынбасары Качалова Л.В. бөлісті.

Қарағанды қаласының №34 НОМ педагог-психологі Демченко А.В. өз баяндамасында оқушылармен жүргізілетін кәсіптік бағдар беру жұмысының психологиялық аспектілері туралы баяндады.

Жоғары сынып оқушыларының арасында «Кәсіптік бағдар сынамасын» өткізу іс-тәжірибесімен Қарағанды агротехникалық колледжі директорының кәсіптік білім беру бойынша орынбасары Попова Н.В. және Қарағанды банк колледжінің қабылдау комиссиясының менеджері Волох Н.М. таныстырып өтті.

Іс-шараның тәжірибелік бөлімінде «Автослесарь», «Аспаз», «Суретші-рәсімдеуші», «Бағдарламашы» мамандықтары бойынша кәсіптік сынамалар өткізілді.

«Дөңгелек» үстелдің қорытындысын шығара отырып, қатысушылар мектептегі кәсіптік бағдар беру жұмысын белсендірудің қажеттілігін, оқушылардың кәсіптік дайындығы барысында туындаған мәселелер бойынша кәсіптік және жоғары оқу орындарымен тығыз әріптестік қатынас жасаудың, сонымен қатар жасөспірімдерге қалауы бойынша мамандық немесе кәсіп таңдау барысында көмек көрсетудің қажетті әдістер мен тәсілдер табу бойынша іздену қажеттігін атап өтті.

«Дөңгелек» үстел қатысушылары өздерінің пікірлерін ортаға салып, пікір алмасып, мол тәжірибе алғандары үшін ұйымдастырушыларға ризашылықтарын білдірді.