ҚАЛДЫҚТАРДЫ МӘДЕНИ КӘДЕГЕ ЖАРАТУ
2016 жылдың 3 ақпан № 79 НОМ базасында технология пән мұғалімдеріне арналған «Қалдықтарды мәдени кәдеге жарату» тақырыбында кезекті жас мамандар мектебінің сабағы өтті.
Мектеп басшысы Орманбаева Дана Тогайбайқызы жас мамандарға мектеп туралы мәлімет берді.
Технология мұғалімі Маханов Абдысалям Жилкибаевич дайындаған оқушылардың шығармашылық жұмыстарының көрмесін жас мамандар тамашалады.
Көрмеде қайталама шикізаттан жасалған: ағаштан, пластиктен, темірден т.б. заттардан жасалған бұйымдар көрсетілді. Жемістерге арналған ағаш жәшіктердің қалдықтарынан жасалған кемелер, сандықтар, пластик баудан өрілген қыздарға арналған сөмкелермен себеттер, қаңылтыр ыдыстардан жасалған бұйымдар қатысқан мұғалімдердің ерекше қызығушылығын тудырды.
Технология пән мұғалімі Абдысалям Жилкибаевич жас мамандарға өткізген шебер – сыныбында квиллинг стилінде жұмсақ темірден жасалған нәзік орындығы тәжірибелі мұғалімдерді де таңқалдырды.
Шебер – сынып сабағында темірден жасалған жұмыстың әрбір кезеңі көрсетілді. Қатысушылардың өздері жасаған кәдесыйлары тамаша шықты.
Авторство:
