2016 жылдың 3 ақпанында № 13 ЖББОМ ағылшын тілі мұғалімдеріне арналған «БАСТАУЫШ МЕКТЕПТЕГІ АҒЫЛШЫН ТІЛІН ОҚЫТУДЫҢ БЕЛСЕНДІ ӘДІС-ТӘСІЛДЕР» атты қалалық семинар болып өтті. Семинарға қаланың 70 мектебінен келген 80 мұғалім қатысты. 

Семинарда  бастауыш мектеп мұғалімдерінің 4 сабағы көрсетілді. № 13 ЖББОМ мұғалімдері Л.К.Маханова мен К.А.Балгабекова 2«Ә» және 2«Б» сыныптарында ашық сабақ берді. Ал «Friendship»  жеке меншік мектебінің мұғалімдері М.И.Хан, Н.А. Финк  2«А»  және 3«А» сыныптарында ашық сабақ берді. Талдау барысында ашық сабақ көрсеткен ұстаздардың жоғарғы дайындығы, кәсіби шеберлігі және сапалы да мазмұнды сабақ өткізгендері туралы айтылды. 

Семинардың екінші бөлімінде 3 коучинг өткізілді. Қазақ тілді сыныптарда дәріс беретін ағылшын тілі мұғалімдері үшін  №36 ЖББОМ мұғалімі Г.С. Серік пен №79 ЖББОМ мұғалімі  А.К.Кожахметова «Ағылшын тілін үйретудегі жаңа әдістер мен тәсілдер» тақырыбында,  жас мамандар үшін  №9 гимназия мұғалімі И.Р. Голынский мен №81 ЖББОМ мұғалімдері  Е.Ф. Яловский «Диалогтық оқыту» тақырыбында коучинг ұйымдастырып, өткізді. «Шет тілдері сабағында оқушылардың сөйлеу дағдыларын сыни тұрғыдан ойлау арқылы дамыту» тақырыбындағы үшінші коучингті №93 гимназия мұғалімі Ю.Г. Рыбкина мен №9 гимназия мұғалімі  Н.А Узукбаевалар өткізді. Мұғалімдерге әдістемелік көмек мақсатында ұйымдастырылған коучингтер тәжірибемен ұштастырылды. Ұсынылған барлық жұмыстарға белсенділік пен қызығушылық танытқан мұғалімдер өткізілген коучингтердің жақсы деңгейде өткенін айтып, жоғары баға берді.