24-желтоқсан күні қаламыздағы №46ЖББОМ ғимаратында жас мамандарға арналған «Қазақ тілі мен әдебиеті сабақтарында топтық жұмыс түрлерін ұйымдастыру жолдары» атты қалалық семинар болып өтті.

      Семинардың теориялық бөлімінде  №46 ОМ қазақ тілі ӘБ жетекшісі Қадыр.А.Қ. мектептің әдістемелік жұмысымен таныстырып, іс-тәжірибелерімен бөліссе, №22 НОМ мұғалімі Баеншиева К.С «Мұғалімнің портфолиосы» тақырыбында  баяндама жасады.    Сондай-ақ семинар барысында №87 НОМ қазақ тілі мұғалімі Төремұратова Р.А.« Қазақ тілі мен әдебиеті сабақтарында топтық жұмыстың тиімді жақтары» атты шеберлік сыныбын өткізіп, жас мамандар   тарапынан  қызығушылық танытты. 

    Семинар барысына өткізілген ашық сабақтар, шеберлік сыныбы және баяндама  барлығы семинардың тақырыбына сай келіп, үндесіп жатты. 

    Семинар «Екі жұлдыз, бір тілек» атты рефлексия жүргізіле отырып қорытындыланды. Кері байланыс нәтижесін зерделей келе семинар  жас мамандар  тарапынан мазмұны жағынан да, құрылымы жағынан да үйретері көп, ұтымды ойластырылған семинар  деп бағаланды.