17.11.2015 жылы Қарағанды қаласының  №8 негізгі орта мектебінде «Бастауыш сынып оқушыларының көшбасшылық қабілеттерін дамыта отырып, танымдық белсенділігін арттыру» тақырыбында  қалалық  семинар болып өтті. 

Мектепте өткен семинар жақсы деңгейде өтті. Ашық сабақтар жайлы мұғалімдер пікірлері айтылып, қағаз бетіне жазылды. Ашық сабақ өткізген мұғалімдердің сабақтары жоғары бағаланып, келген ұстаздар тағы да осындай семинарлар жиі өтіп тұрса деген ұсыныс жасады. Қала мектептерінің мұғалімдері өздерінің ой-пікірлерін «Екі жұлдыз, бір тілек» арқылы білдірді. Кей мұғалімдер  алған әсерлерін төрт жол өлең құрастыру арқылы да білдіріп жатты. Семинардың ашылуынан бастап соңғы сәттеріне дейінгі іс-шаралар аса жауапкершілікпен өтті. Мұғалімдердің білімдерінің жоғары көріністері осы жерде анық көрінді. «Мұғалім –мәңгі нұрдың қызметшісі» демекші мұғалімдерден шын мәнінде нұр себелейтініне көзіміз жетті.