Қарағанды қаласы білім бөлімінің қолдауымен 2015 жылғы 15 желтоқсанында №57 мектеп-лицей аясында Қазақстан Республикасы Тәуелсіздігі Күніне арналған «ЭКСПО-2017» Халықаралық мамандандырылған көрмені дайындау және өткізу аясында Ашық есік күні өткізілді.

         Осылай, оқушылар өздерінің тәжірибелі үлгілерін, макеттерін ұсынып, табиғи қорларды ұтымды пайдалану, жердегі өмірге ең жақсы жағдайлар жасау туралы ойларымен бөлісіп, математика, физика, химия пәндерінен жобалар қорғап, «Мен және менің денсаулығым» жобасы аясында фитобар жұмысының таныстырылымы өтті. Сондай-ақ мектеп-лицейі бойынша оқушылар көптілділік экспериментінің жұмысымен таныстырды.

Ашық есік күні төңірегінде оқушылар мен ата-аналарға арналған «Кәсіптік бағдар беру» кабинетінің ашылу рәсімі өтті. Келешекте мектеп оқушылары кәсіптік бағдар туралы ақпараттар алып, еңбек биржасында, жоғары оқу орындарындағы керекті мамандықтар туралы мәліметтер алып, өздерінің қандай мамандықтарға бейім екендігін анықтай алады және өздерінің жеке кәсіпкерлік жоспарын құрады.

         Қаланың білім бөлімі жобалардың авторларына жаңа идеялары, шығармашылықтары үшін, сондай-ақ № 57 мектеп-лицей ұжымына осы іс-шараны ұйымдастырғаны үшін алғыс білдіреді.