2015 жылдың 26 қарашасында №18 жалпы білім беретін орта мектеп аясында «Қалалық білім бөлімі» ММ жоспарына сәйкес қазақ тілі мен әдебиеті пәнінен  жас мамандарға арналған «Әдебиет сабағында оқушылардың танымдық қабілетін арттыру» тақырыбында қалалық семинар өтті. Әдіскер Гулназ Бекетовна семинарға арналған алғы сөзін Н.Ә.Назарбаевтың «Еліміздің ертеңі бүгінгі жас ұрпақтың қолында, ал жас ұрпақтың тағдыры мұғалімдердің қолында» деген сөзімен бастай отырып, жас мамандардың мақсат, міндеттерін айқындады, жас маман ретіндегі еңбек жолындағы қадамдарын нақтылады, яғни оларға тәлімгер тағайындалу керектігін, бірлескен жоспарға сәйкес жұмыс жүргізілуі керектігін айтты және мұғалім портфолиосын жасауға, сабақ жоспарын, өзіндік білім көтеру жоспарларын жасауға байланысты әдістемелік кеңестер беріп өтті. 

6«А»сыныбында Сәкен Сейфуллиннің«Далада» тақырыбында ашық сабақ өткізген  қазақ тілі мен әдебиет пәні мұғалімі Аринова  Асем  Аргынказина  семинар тақырыбына сай өз сабағында оқушылардың танымдық қабілеттерін дамытатын көптеген жұмыс түрлерін шеберлікпен көрсете білді. 

Семинардың екінші бөлімі оқушылардың танымын арттырудағықолданылатын  әдіс-тәсілдермен ой бөлісу мақсатында «Тиімді әдіс –нәтижелі сабақ» атты тренинг түрінде жүргізілді.  Тренингті қазақ тілі мен әдебиеті пәні мұғалімі Смакова Анар Шакеновна мен Медеубаева Майра Құттымұратовна бірлесе жүргізді. Мұғалімдермен топтық жұмыстар жүргізіліп, тапсырмалар орындалды. 

Семинар соңында жас мамандармен бірлесе отырып сабақ  талданды, рефлексия жүргізілді. Жас мамандарға өте тиімді, мағыналы семинар болды.