Шеберлік сыныбы. «Ұлттық бірыңғай тестілеуге дайындаудың тиімді жолдары»

Мақсаты: 

ҰБТ-ға  сапалы дайындық жұмыстарын ұйымдастыру жолдарын анықтау, нақтылау. 

19 қараша 2015 ж. №65, №54 жалпы білім беретін орта мектептердің ұстаздары «Қарағанды қаласының білім бөлімі» ММ жоспарына сәйкес өзара бірлесе отырып жоғарыдағы тақырып бойынша шеберлік сыныбын өткізді. «Ұқсас формаларды салыстыра үйрету» атты тақырып бойынша №65 мектеп мұғалімдері шеберлік сабағын жүргізді. Сабақ топтық жұмыс түрінде, тренинг түрінде жоғарғы деңгейде өткізілді.  Әр мектептен келген ұстаздар қазақ тілі мұғалімдерінің  тестке дайындық барысында кездесетін қиындықтарын тілге тиек етті. Мұғалімдер өздері оқушы рөлінде түрлі тапсырмалар орындау арқылы «Ұқсас формаларды салыстыра үйрету» жолдарын постер арқылы қорғап, өз ұсыныстарын ортаға салды. 

Екінші шеберлік сабағын өткізген №54 орта мектептің мұғалімдері  «ҰБТ-ға дайындау жолындағы оқытудың инновациялық әдіс-тәсілдері» тақырыбында мұғалімдерге көп мағлұмат бере алды.  Қазақ тіл білімінің тараулары бойынша, түрлі жұмыстар жүргізіліп, оқушыларға қиындық келтіріп жүрген сұрақтар ортаға салынды. Бұл сабақ алдыңғы шеберлік сабағымен өзара ұштасып, сабақтасып жатты. 

Шеберлік сыныптардың теориялық білім мен тәжірибені ұштастыруда көп септігі бар екенін рефлексия жасау кезінде аңғардық.