2015 жылдың 16 қазанда №54 жалпы білім беру орта мектебінде «Эстетикалық бағыттағы сабақтарда оқушылардың шығармашылық қабілеттерін дамыту» тақырыбында  қалалық семинар өтті. 

Семинарға қала мектептерінің музыка, бейнелеу және технология пәні мұғалімдері қатысты. Қонақтарды оқушылар өздері тіккен әр халықтың ұлттық киімдерін киіп қарсы алып, жасалған бұйымдар көрмесін аралатып, таныстырды.

  Семинарды ҚББ-нің әдіскері Ж.К.Дюсембинамен №54 ЖББОМ-нің директоры Ә.Т.Сыздыкова  кіріспе сөз сөйледі.  Семинардың жоспары бойынша №83 мектебінің технология пәні мұғалімі Ж.А.Ибадилдинов «Модельдеу және конструкциялау технологиясы» тақырыбында баяндама жасады. 

 Семинарға қатысушылар пәндер бойынша өткізілетін іс-шараларға, «оқушылардың ынтасын көтеруде критериалды бағалауды қолдану» және «дарынды және талантты баланы анықтау» тақырыбында ұйымдастырылған коучинг сабақтарына бөлінді. Одан кейінгі бөлімде   музыка пәні мұғалімі М. М. Асабуева 3 «А» сыныбында «Абай салған сырлы әндер» тақырыбындағы сабағын қазақ тілі  пәні мұғалімі К.Б. Иманбековпен біріктіріп кіріктірілген сабақ түрінде ұсынды.   Бейнелеу өнері пәнінің мұғалімі Н.Д.Макенова «Бір ескерткіштің тарихы» тақырыбында  ашық сабақ өткізді. 

  Ер балаларға арналған технология пәні мұғалімі Ж.Ш.Ахметов «Оқушылардың шығармашылық жобалары» тақырыбында сыныптан тыс жұмысын көрсетті.  Технология пәні мұғалімі Г.Қ.Қомарова «Халықтық әдіс тәсіл арқылы құлмақтан нан ашыту технологиясы» тақырыбында әріптестерімен тәжірибе алмасып, шеберлік сабағын өткізді. Сабақ барысында «нан өнімдері» тақырыбына постер құрып,оны қорғады.

  Семинарға  қатысушылар өздерінің пікірлерін ортаға салып, мектеп ұжымына, ұйымдастырушы мұғалімдерге ризашылықтарын білдірді.