15 қазан күні қаламыздағы №2 лицей ғимаратында қазақ тілі мұғалімдеріне арналған «Мұғалімнің кәсіби құзыреттілігі-нәтижелі білім берудің негізі» атты семинар болып өтті.
Семинардың теориялық бөлімінде №2 лицей мұғалімі Оспанбай Т.О. мектептің әдістемелік жұмысымен таныстырып, іс-тәжірибелерімен бөліссе, Қалалық ББ нің әдіскері Г.К.Аймағанбетова «Қазіргі заман мұғалімінің кәсіби құзыреттілігі» атты тақырыпта шеберлік сыныбын өткізіп, құзыреттілік мәселесі жайлы талқылау-талдау жұмыстарын жүргізіп, ақпарат берді.
Сондай-ақ семинар барысында 11-сынып оқушыларын ҰБТ ге қалай сапалы дайындауға болады деген мәселе төңірегінде лицей мұғалімі әріптестерін өзінің жұмыс жүйесімен таныстырса, қазақ тілі мұғалімі Жунусова Л.К. «Топтық жұмыс дағдыларын қалыптастыру» атты коучинг өткізіп, мұғалімдер тарапынан қызығушылық танытты.
Семинар барысына өткізілген ашық сабақтар, дөңгелек үстел, коучинг сессия және шеберлік сыныптары барлығы семинардың тақырыбына сай келіп, үндесіп жатты.
Семинар «Үміт кемесі» атты рефлексия жүргізіле отырып қорытындыланды. Кері байланыс нәтижесін зерделей келе семинар мұғалімдер тарапынан мазмұны жағынан да, құрылымы жағынан да үйретері көп, ұтымды ойластырылған семинар деп бағаланды.
Авторство:
