2015 жылдың 25 қырүйегінде №97 гимназиясы аясында бастауыш сынып мұғалімдері үшін коучинг элементтерімен семинар-тренинг өткізілді. Семинарға қатысушылардың басым көпшілігі жас мамандар болды.
Тақырыбы: Заманауи және дәстүрлі оқыту әдістерінінің ықпалдастығы
Мақсаты: Жас мамандарға әдістемелік көмек көрсету, оларға заманауи оқыту әдіс-тәсілдердің тиімдісін мүмкіндігінше қолданып үйрету, жас мамандардың шығармашылық ізденістерін арттыру.
Семинар-тренингті деңгейлік курстан өткен және биылғы 2015-2016 оқу жылы барысында аттестациядан өтетін бастауыш сынып мұғалімдері жүргізді. Іс-шара бастауыш қазақ және орыс сыныптарына бірге өткізілді. Семинар-тренингке қала мектептерінен 45 жас маман қатысты.
Семинар-тренинг үш бөлімнен тұрды. Теориялық бөлім бойынша жұмыс жасаған мұғалімдер: Какетаева А. С., Пилипчук И.Л., Жашенова Д.М., Романовская Л.В. Олар қазіргі заманғы білім беру ерекшеліктері туралы, заманауи сабақтың негізгі құрамдас бөліктері, орта мерзімді және қысқа мерзімді жоспарлау туралы айтты.
Тәжірибелік бөлім коучинг түрінде өтті. Бұны деңгейлік курстан өткен бастауыш сынып мұғалімдері өткізді. Олар: Диденко Н.И., Туркова Р.С., Мейрамова К.А. Коучинг мазмұны бойынша қанық және пайдалы болы. Мұғалімдер диалогтық оқыту, топта жұмыс, мотивация, рефлексияның түрлерін қолданды.
Семинар-тренингтің қорытынды кезеңінде жалпы рефлексия көрініс тапты. Бұнда қатысушылардың көпшілігі семинарға қатысты алғыстарын, тілектері мен пікірлерін білдірді. Жас мамандар семинар-тренингтің басынан аяғына дейін белсенділік танытты.
Ұйыдастыру барысы жоғары деңгейде өтті. Әрбір әрекет ететін мұғалім тренингтің қатаң құрылымын ұстанды.
Авторство:
