Алматы қаласында Республикалық ғылыми-педагогикалық кітапханада «Үздік мектеп кітапханашысы» республикалық конкурсының қорытынды кезеңі өтті. Шараны ұйымдастырушы - Қазақстан Республикасының білім және ғылым министрлігі мен республикалық ғылыми-педагогикалық кітапхана. Байқауға Қазақстанның әр облысынан 16 кітапханашы,  облыстық турдың жеңімпаздары қатысты. Аталмыш сында Қарағанды  қаласының  № 12 жалпы білім беретін орта мектебінің кітапхана меңгерушісі  Ракишева Сайран Жақыпбекқызы Қарағанды облысының намысын  қорғады.  Оқырмандармен жұмыс істейтін қызметкерлердің әлеуметтік және кәсіби беделін қалыптастыру мақсатында ұйымдастырылған шарада Қарағанды қаласының  кітапхана меңгерушісі Ракишева Сайран Жақыпбекқызы  «Мектеп кітапханасында талантты және дарынды балаларды тәрбиелеу» жұмысымен үшінші орынға ие болды. Әріпесімізді жеңісімен құттықтай отырып, қызметінде кәсіби жетістіктерге жете беруіне тілектеспіз!