Қалалық білім бөлімінің жылдық жоспарына сәйкес қазақ тілді мектептердің  5-11 сынып    оқушылары арасында ХVІ Республикалық Абай оқулары және  Қазақ хандығының 550 жылдығына арналған «Туады ерлер Ел үшін...» І Республикалық қазақ батырлық эпосы жыршыларының сайысы өткізілді.

ХVІқалалық  Абай оқулары   үш бөлім бойынша өткізіледі:

- «Өлең-сөздің патшасы, сөз сарасы»– Абай және Шәкәрім шығармаларын жатқа оқу конкурсы бойынша №76 ЖББОМ 8 сынып оқушысы Орынбай Әйгерім(пән мұғаліміАкишова А.Ж.) 300-ге тарта өлеңді жатқа  біліп  1 орынға ие болды.  «Көңілім әнді ұғады» –Абайдың әндері мен күйлерін орындаушылардың конкурсы бойынша №92 гимназияның 9-сынып оқушысы Төкенова Жанетта 1 орын алды.(пән мұғалімі Тыхметов Б.)  «Жүйріктен жүйрік озар жарысқанда» –жас дарындар конкурсы   бойынша Ерсейітқызы Аида №59 ЖББОМ 10- сынып оқушысы 1 орынға ие болды.(пән мұғалімі Көшербаева Б.А.) Барлығы конкурсқа 100-ге тарта оқушы қатысып, сайыс тартысты өтті. Бұл оқушылар облыстық сайыста қаланың намысын қорғамақ.

Биылғы жылы алғаш рет Қазақ хандығының 550 жылдығына арналған І Республикалық жыршылар байқауы  екі бөлім бойынша өткізілді:

«Қайратты туған ер еді...»-қазақ батырлық эпостарын жыршылар мақамымен жатқа орындау конкурсы. Қатынасушының өзі білетін батырлар жырын нақышына келтіріп, жыршылар мақамымен екпіндетіп, төгілдіріп, жатқа жырлауы бойынша №77 МБК 5- сынып оқушылары Аймағамбетов Ақжол,Айткалиева Анель 1 орынға ие болса,   «Алатаудай айбатың, Ер екенсің айтулы»-қазақ батырлар жыры бойынша білім сайысында  ұйымдастырушылар дайындаған сұрақтарға, сондағы «Қобыланды батыр», «Алпамыс батыр», «Ер Тарғын» және «Қамбар батыр» жырларының  мазмұны, көркемдік ерекшеліктеріне  қатысты сұрақтарға жауап беруде №57 лицейдің оқушысы Жанпейісов Ерназар алдына жан салмады.