Ағымдағы жылдың 22-30 наурыз аралығында Өскемен қаласында 1999-2000, 2001-2002 жылдары туған қыздар арасында волейболдан Қазақстан Республикасының Чемпионаты өтті. Сайыста Қарағанды облысының намысын көптеген республикалық және халықаралық спорттық турнирлердің жеңімпаздары - №66 орта мектептің волейболшылары қорғады.

Чемпионаттың қорытындысы бойынша жоғары деңгейлі ойын көрсете білген қарағандылық волейболшылар 1999-2000 жылы туғандар тобында 14 қатысқан командарлар арасында екінші орынға ие болып, Кубокпен, дипломдармен және медальдармен марапатталды.

Сонымен қатар,2001-2002 жылы туғандар тобындағы 16 команда арасында Қарағанды облысының командасы үшінші орынға ие болып, Кубокпен, дипломдармен және медальдармен марапатталды.  

Турнирдің үздік ойыншылары ретінде біздің спортшылар Ходжтогло О., Уралева К., Нурсагатова Л. және Бокаева А. танылды. Команда бапкері  - № 66 орта мектептің дене шынықтыру пәні мұғалімі Г.Э.Буслович.

Білім бөлімі № 66 орта мектеп командасын Чемпионаттағы жеңіспен құттықтайды және алдағы уақытта да жаңа спорттық жеңістер тілейді!