2015 жылдың 8 сәуірінде № 42 негізгі мектеп базасында бейнелеу өнері және технология пән мұғалімдеріне арналған ЖММ-ің «Эстетикалық бағыт пәндерінде оқушылардың шығармашылық қабілетін дамыту» тақырыбында кезекті сабағы өтті. Бейнелеу өнері және технология пәнінің мұғалімі Коскенова Зарина Шаймагамбетовна сабақтың теориялық бөлімінде жас мамандарға, ойындар мен жаттығулар арқылы, оқушылардың шығармашылық креативті қабілеттерін білу үшін, тренинг өткізу жолдарын көрсетті. Оқушылардың өз бетінше шешімдерді қабылдау мақсатында тест өткізді. Бастауыш сыныптың технология және бейнелеу өнері мұғалімі Е.В.Петрунина жас мамандарға «Клякса» жаттығуын көрсетті. ЖММ-ің практикалық бөлімінде Зарина Шаймагамбетовна «Вискозды матаны қолдану» тақырыбында шебер-сынып өткізді. Вискозды матамен шығармашылық жұмыстар жасау мақсатында, жас мамандарды суреттер салу, бұйымдар істеу, сувенирлер жасаудың жаңа технологияларын үйретті. ЖММ-дың қатысушылары № 42 негізгі мектептің қонақ жайлығына ризашылықтарын білдірді.