02.04.2015 жылы №92 гимназия аясында қаладағы білім ұйымдары басшыларының қатысуымен «Қарағанды қаласының мұғалімдері арасында деңгейлік оқыту Бағдарламасын іске асыру туралы» (2012-2015 жж.) мәселе жөніндегі ҚалББ Кеңесі өтті. Негізгі баяндамада (Раманаускайте Э.А, ӘК меңгерушісі) қала педагогтарын және басшыларын деңгейлік дайындау аясында біліктілікті арттыру мәселесі бойынша Қарағанды қаласының білім беру жүйесін дамыту Бағдарламасының индекаторына қол жеткізу, сондай-ақ деңгейлік Бағдарламаны енгізу бойынша қандай жұмыстар жүргізіліп жатқаны, біздің мектептердегі осы жұмыстардың сапалық көрсеткіші қандай екендігі туралы ақпарат берілді. Баяндамашымен пәндер, бағыттар, біліктілік емтиханын тапсыру бойынша жасалған талдау назарға ұсынылып, әдістемелік жұмыстың нәтижелілігі көрсетілді. Жаңа үлгі курстары бойынша оқыған 90% мұғалімдер арасында жүргізілген жасырын сауалнаманың нәтижелері айтылды, сондай-ақ ҚалББ Кеңесі шешімінің жобасы ұсынылды және мақұлданды, оның соңғы нұсқасы жақын арада білім бөлімінің сайтында орналастырылатын болады.