2015 жылдың 18 наурыз күні № 45 гимназияда «Өзін – өзі тану» пәні арқылы оқушыларға кәсіби бағдар беру» тақырыбындағы «Өзін-өзі тану» пәнінің мұғалімдеріне  арналған қалалық семинар өтті. 

Семинар барысында гимназия директорының тәрбие ісі жөніндегі орынбасары С.П. Андросенко  бұл тақырып бойынша шағын коучинг ұйымдастырды. Жұмыс барысында қатысушылар оқушыларға кәсіби бағыт бағдар беру мәселесін «Өзін – өзі тану» пәнінің бағдарламасының негізігі тақырыптарына байланыстырып қана қоймай, ықпалдастыру жолдарын ұсынса, қатысушыларды ширату және тақырыпқа ауқымды шолу жасау мақсатында гимназия психологы Т.А.Лучкова «Өзіндік ойын» ұйымдастырды. Ойын барысында қатысушылар өзінің мамандықтар әлеміндегі дүниетанымын ортаға салды.  

Негізгі бөлімде гимназия ұстаздары «Өзін-өзі тану» пәнін басқа пәндермен ықпалдастыру негізінде құрылған және ықпалдастыру формаларын жан – жақты қарастырып ашатын сабақтар мен сыныптан тыс шаралар көрсетті. Атап айтсақ: 1б сыныптағы  сыныптан тыс шара  «Все професии важны, выбирай на вкус» мұғалімі С.С.Гуранская;  3б сыныптағы сыныптан тыс шара «Все професии важны» - мұғалімі Л.П.Петенева; «Өзін – өзі тану» сабақтары  2в сыныбы «Край, где мы с тобой растем!» - мұғалімі В.Т.Баку және 10а сыныбы «Человек Земли» мұғалімі Т.А.Лучкова.

Сонымен қатар семинар барысында гимназия ұстаздары өз өнерлерімен бөлісіп қана қоймай мектеп оқушыларының агитациялық тобының мүшелерінің «Выбор только за тобой» тақырыбындағы қойылымы ұсынылды. 

Семинарға қатысушылар шараның мазмұндылығы мен өзектілігін және ұйымдастырылуын жоғары бағалады. Рефлексия қорытындысы аталған семинардың «Өзін-өзі тану» ӘБ педагогтары үшін маңыздылығын атап көрсетті.