М.Жұмабаев атындағы №39 гимназияда физика-математика  мұғалімдеріне арналған «ҰБТ-ға дайындық ерекшеліктері» тақырыбында семинар-практикум өтті. Семинардың мақсаты: физика-математика пәнінен оқушыларды ҰБТ-ға дайындау бойынша іс-тәжірибемен бөлісу, тақырып бойынша қиындығы жоғары есептер шығарудың тәсілдерімен таныстыру, пікір алмасу. Семинарды қалалық білім бөлімінің әдіскері Г. Аязбекова  ашып, гимназия директоры Ж. Базыл істеліп жатқан игі іс-шаралар туралы айтып өтті. Оқу ісі меңгерушісі Уатаева Г.С. мен кафедра жетекшісі Абекбаева Ж.Б. ҰБТ-ға дайындау барысындағы жетістіктер мен кемшіліктері туралы ақпарат берді. Мектеп психологы Кулахметова А.Б. ҰБТ-ға байланысты психологиялық тренинг өткізді. Практикалық бөлімде гимназияның математика-физика пәні мұғалімдері өз тәжірибелерін ортаға салып, семинарға қатысушылармен бірлесе отырып топтық жұмыстар  жүргізді. Қиындығы  жоғары геометрия, физика пәнінің есептерін шығарудың тиімді жолдары қарастырылып, тәжірибелі мұғалімдер ҰБТ-ға дайындаудағы іс-тәжірибелерін ортаға салды.