2015 жылдың 27 ақпанында «№ 93 гимназия» КММ қала мектептерінің  қазақ тілі мен әдебиеті және шет тілі мұғалімдеріне арналған «Жаңа дәуір мектебі үшін технологиялардың тиімділігі» атты кіріктірілген семинар өткізілді. Семинардың мақсаты: сабақтағы жұмыс түрлерін және оқушы білімін бағалау жүйесін өзгерту арқылы мұғалімнің әдістемелік және кәсіби шеберлігін шыңдау. Семинар аясында ағылшын тілі мұғалімдері Бондаренко Н.Р. «Disasters» тақырыбында, Рыбкина Ю.Г. «Disasters» тақырыбында, Амирбекова А.М. «My Kazakhstan» тақырыбында  оқытудың белсенді әдіс-тәсілдерін қолдана отырып ашық сабақтар өткізді. Семинар барысында мұғалімдер гимназияның сертификатталған мұғалімдері Тимошкина И.Н., Арконова С.Т., Васильченко Н.В. дайындаған «Сабақтағы жұмыстың белсенді түрлері мен әдістері» және «Оқушының білімін бағалау жүйесіндегі жаңа әдістер» тақырыбындағы шеберлік сыныптарына қатысты. Мұғалімдер теориямен танысып қана қоймай, іс жүзінде заманауи мектептегі жаңа технологиялардың қолданылуын көрді. Семинар соңында «Қазақстан Республикасы Ассамблеясына» арналған концерт ұйымдастырылды. Семинар жоғары бағаға ие болды.