№12 ЖББ орта мектебінде 11 ақпан күні музыка және технология пәндерінің мұғалімдеріне арналған қалалық семинар өтті. Семинардың тақырыбы: «Сабақ үдерісінде тиімді әдіс-тәсілдерді пайдалану жолдары». №12 ЖББ орта мектебінің басшысы А.Т. Түсіпова семинарға қатысушыларға алғы сөз айтып, сөз кезегін Қарағанды қалалық білім бөлімінің әдіскері Ж.К. Дүйсембинаға берді. Семинар жұмысын музыка пәнінің мұғалімі - осы мектептің эстетикалық цикл бірлестігінің жетекшісі Қ.М. Әбдіғалиева және химия пәнінің мұғалімі А.Н. Қожаева «Танысу» тренингісін өткізді. Семинарда музыка пәні мұғалімі К.М. Абдигалиева «Әйгілі Вена опера театры» тақырыбында және технология пәні мұғалімі М.С. Сагинбаева «Бисер жасау технологиясы» тақырыбында ашық сабақтар өткізді. Екі сабақта өте жақсы, жоғары деңгейде өтті. Семинарға қатысушылардың келесі бөлігі жиын залында «Дарынды, талантты баланы анықтау» коучингінде өзара мәселе көтеріп, тақырыптың мән-мағынасын ашты. Семинардың соңы Қазақстан Халқы Ассамблеясының 20 жылдығына арналған «Тілі басқа тілегі бір...» атты шағын концертпен аяқталды. Қалалық семинар жоғары деңгейде өтті. Семинарға қатысушылар шексіз алғыстарын білдіріп тарасты.