№3 гимназия базасында ҰБТ-ға дайындық  мəселелеріне арналған «Тригонометриялық теңдеулер мен теңсіздіктерді шешу» тақырыбында семинар-практикум өткізілді. Семинарға қаланың 10-11 қазақ сыныптарында жұмыс істейтін 45 математика мұғалімі қатысты.

  Семинардың мақсаты - оқушыларды математика пәнінен ҰБТ-ға дайындау мәселелері бойынша іс-тәжірибемен бөлісу, тақырып бойынша қиындығы жоғары есептер шығарудың тәсілдерімен таныстыру, пікір алмасу.

  Тәжірибелі, жоғары санатты ұстаз Капбасова Аклима Каппасовна теориялық бөлімінде  аппеляция кезіндегі өтініштерде жиі кездесетін тапсырмаларға талдау жасаса, практикалық бөлімінде  ҰБТ базасындағы қиындығы жоғары тригонометриялық теңдеулер мен теңсіздіктерді шешудің әдіс-тәсілдерін көрсетіп берді. 

Семинар жұмысын қорытындылай келе ҚББ әдіскері Г.У. Аязбекова: «ҰБТ-ға оқушыларды дайындауда тиімді әдістер мен тәсілдерді үнемі іріктеп отыру қажет және қазіргі мектепте мұғалімнің өз еңбегінің нәтижесіне деген жауапкершілігі қалыптасуы міндетті себебі, ҰБТ-ға дайындаудың басты тұлғасы – мұғалім»- деп өз сөзін аяқтады.