4.02.2015 жылы № 35 ЖББ мектеп базасында жас мамандарға арналған сабақ өтті. Бейнелеу өнері және сызу пәнінің мұғалімі Тихонова Галина Александровна өзінің шығармашылық есебінде, эстетикалық пәндерінде қолданатын  педагогикалық іс-тәжірибесін және  әдіс-тәсілдерін сабақ барысында көрсетті. Қаланың жас мамандары көптеген қызықты және жаңашыл сабақ түрлерімен танысты.

Галина Александровна өз сабақтарында оқушылардың өнер сабағына деген қызығушылықтарын арттыру үшін әртүрлі дәстүрлі емес техникалық әдіс –тәсілдерді қолданады. Сызу сабақтарында оқушылардың ойлау қабілеттерін дамыту үшін өзі дайындаған әртүрлі сызбалар мен кескіндерді және карточкаларды пайдаланады. Галина Александровнаның оқушылары облыстық, қалалық көрмелерінің және  конкурстардың жеңімпаздары. Галина Александрованың қаланың жас мамандарына  арналған сабағы әсерлі болды. Жас мамандар  алғыстарын білдірді.