28 қаңтарда «№41 ОМ» КММ аясында «Этникалық білімді дәстүрлі және заманауи тұрғыда беру арқылы мәдени тұлғаны рухани дамытудағы эстетикалық пәндердің маңызын арттыру» тақырыбында эстетикалық цикл мұғалімдерінің қалалық біріктірілген семинары өтті. 

Семинар аясында келесі іс-шаралар өткізілді: эстетикалық цикл ӘБ жетекшісі А.У. Игембекова «Шығармашыл ұстаз – шығармашыл оқушы» атты баяндамасымен сөз сөйледі, технология мұғалімі Б.М. Едильбаева әріптестері үшін мастер – класс ұйымдастырды: «Жүннен заманауи үлгіде бұйымдар жасау», бейнелеу өнері және сыру мұғалімі С. Балапан 3 сыныпта ашық сабақ өткізді: «Ақпараттық коммуникативтік технология бойынша ертегі кейіпкерлерін бейнелеу», музыка мұғалімі А.У. Игембекова «Музыка сабағында 7 модуль идеяларын ықпалдарстыра отырып пайдалану» тақырыбында 5 сыныпта ашық сабақ өткізі, технология мұғалімі Қ.С. Құрманалин «Домбыра жасау жолдары» мастер - классын ұсынды. Барлық іс-шаралар ізгіниеттілік, шығармашылық ізденіс, белсенділік қалыпта өтті.  

Семинар қонақтары үшін оқушылар шығармашылық жұмыстарының көрмесі, концерттік бағдарлама ұйымдастырылды. Семинар тәжірибелік маңыздылыққа ие болды, өз мақсатына қол жеткізді, оған қатысушылардың оң баға беруі мен рефлексиялық сауалнама дәлел.