Қарағанды қаласының білім бөлімінің   әдістемелік кабинеті  Қарағанды облысы білім беруді дамытудың оқу әдістемелік орталығымен бірігіп  «әріптестерімізге тәжірибе таратамыз»  жоба аясында № 66 ЖББОМ базасында жаратылыстану бағытындағы мұғалімдерге арналған облыстық семинар  өткізілді.

    Семинар барысында  «2014-2015 оқу жылындағы ҚББ әдістемелік кабинетінің  негізгі инновациялық және эксперименталдық жобалары» (Хасенова Г. Т., ҚББ әдістемелік кабинетінің инновация жөніндегі әдіскері);  «Жаратылыстану бағытындағы  сабақтарда  функционалдық сауаттылықты қалыптастыру бойынша әдістемелік нұсқаулар» (Саменова Л.Н.,  ҚББ ӘК әдіскері); «География сабағында функционалдық сауаттылықты дамыту»  (Петрова С. В.,  № 95 гимназияның  география пәнінің мұғалімі) тақырыптары бойынша өз тәжірибелері бойынша баяндамалар жасап, ой бөлісті .

Сонымен қатар, қызықты және әдістемелік жағынан өте сауатты  сабақтарды   №66 ОМ мұғалімдері көрсетті: химия пәні бойынша (Жаймина М.А., Воронина Т.П.), физика пәні бойынша (Сарсембаева Г.О.), биологиядан (Кантарбаева Г.А., Саворовская М.В.), география пәні бойынша (Тусупова А. М., Садвакасова В. К. ) және  № 59 ЖББОМ  физика пәнінің мұғалімі  Жанпеисова З.К.. 

 Семинар аясында «Сабақта функционалдық сауаттылықты қалыптастыру» тақырыбында Бакирова А.Т.,  № 82 ОМ физика пәнінің мұғалімі, Мукашева Н.К., № 66 ОМ информатика пәнінің мұғалімі, Саменова Л.Н., Хасенова Г.Т., ҚББ ӘК-нің әдіскерлері жоғары деңгейде коучингтер ұйымдастырып, өткізді.

  Семинарға Жезқазган, Сатпаев, Теміртау, Шахтинск, Балхаш және  Абай ауданынан жаратылыстану бағытында дәріс беретін  барлығы 48 мұғалім қатысты. Семинарға қатысушылар шараның мазмұндылығы мен өзектілігін және ұйымдастырылуын жоғары бағалады. Рефлексия қорытындысы аталған семинардың   маңыздылығын атап көрсетті.