2015 жылдық 28 қаңтар күні № 9 гимназияда «Бастауыш сыныптың пәндерімен «Өзін-өзі тану» пәнін ықпалдастыру» тақырыбындағы «Өзін-өзі тану» пәнінің мұғалімдеріне және бастауыш сынып мұғалімдеріне арналған қалалық семинар өтті.
Семинар барысында гимназияның бастауыш сынып мұғалімі О.А.Нестерева «Бастауыш сыныптың пәндерімен «Өзін-өзі тану» пәнін ықпалдастыру» коучингін ұйымдастырды. Жұмыс барысында семинарға қатысушылар рухани-адамгершілік құндылықтар мен қасиеттерге тоқтала отырып, бастауыш сыныптың басқа пәндерін «Өзін-өзі тану» пәнінімен ықпалдастырудың сабақ үлгілерін әзірледі.
Негізгі бөлімде гимназия ұстаздары «Өзін-өзі тану» пәнін басқа пәіндермен ықпалдастыру негізінде құрылған және ықпалдастыру формаларын жан – жақты қарастырып ашатын сабақтар көрсетті. Атап айтсақ: «Группы растений. Органы растений и их функции» -бастауыш сынып мұғалімі О.Я.Чен; музыка сабағы «Оперное искусство. Опера «Садко» -музыка мұғалімі Т.П.Ляшок; «Өзін-өзі тану» пәні «Честность и я – дорога моя» -педагогы Л.В.Примак.
Сонымен қатар семинар барысында №134 негізгі мектеп педагогы А.М.Калгужинова «»Өзін-өзі тану» пәнінің құрылымдық-жүелік және әдістемелік мазмұны» тақырыбында баяндама жасады. Жұмыс барысында қатысушылар сабақ жоспарын құру ерекшелігі мен негізгі құндылықтар мен қасиеттерді ашу жолдарын, пәннің мазмұндылығын нығайтуда ақпарат көзімен бөлісті.
Семинарға қатысушылар шараның мазмұндылығы мен өзектілігін және ұйымдастырылуын жоғары бағалады. Рефлексия қорытындысы аталған семинардың «Өзін-өзі тану» ӘБ педагогтары үшін маңыздылығын атап көрсетті.
Авторство:
