2015 жылдың 27 қаңтарында «№ 93 гимназия» КММ базасында «Шетел тілі сабақтарында сын тұрғысынан ойлау технологиясын қолдану» тақырыбында қалалық семинар өткізілді. Қалылық семинарға қала мектептерінің жас мамандары мен іс-тәжірибесі мол пән мұғалімдері қатысты. Семинарды «№ 93 гимназия» КММ директоры Темерханова Л.А. ашты. Сонымен қатар, Қарағанды қаласы білім бөлімі әдістемелік кабинетінің шетел тілдері бойынша әдіскері Абеуова С.К. семинардың жоспарымен таныстырды. Семинар барысында «№ 93 гимназия» КММ шетел тілдері кафедрасының меңгерушісі Бондаренко Н.Р. гимназияда білім беру барысында қолданылатын сын тұрғысынан ойлау технологиясының стратегиялары туралы баяндама оқыды. Семинар қатысушыларына Е.А.Бөкетов атындағы ҚарМУ «Әдістеме және лингводидактика» кафедрасымен бірлесе отыра жасалған оқушылардың сын тұрғысынан ойлау қабілетін дамытуға бағытталған электронды құрал ұсынылды.  Семинардың келесі кезеңінде мемлекеттік тілде және орыс тілдерінде коучингтер өткізілді. Коучингтердің тақырыптары: «Сын тұрғысынын ойлау технологиясының элементтері». Семинардың үшінші кезеңі практикалық бағытта болды. Үш шеберлік сыныбы өткізілді. Шеберлік сыныптарының тақырыптары: “Culture of Kazakhstan and the United States of America through the study of customs, traditions and landmarks of the people”. Шеберлік сыныптарын гимназияның ағылшын тілі пәні мұғалімі Бондаренко Н.Р. мен тарих пәні мұғалімі Васильченко Н.В. өткізді. Ағылшын тілі пәні мұғалімі Буксман В.В.“ Past Simple vs. Present Perfect” тақырыбында жұмыс істесе, неміс тілінің мұғалімі  Несговорова И.Н  “Deutschland” тақырыбында сабақ өткізді. Мұғалімдердің бірлесе іске асырған жұмыстары өте тартымды болып, практикалық бағыты басым болды және рефлексия қорытындысы бойынша семинарға қатысушылардың жоғары бағасына ие болғандығын көруге болады.