Ағымдағы жылдың 5-10 қаңтар аралығында Павлодар қаласында 1999-2000 жылы туған қыздар арасында волейболдан Қазақстан Республикасының қысқы Чемпионаты өтті. Сайыста Қарағанды облысының намысын көптеген республикалық және халықаралық спорттық турнирлердің жеңімпаздары - №66 орта мектептің волейболшылары қорғады.

Чемпионаттың қорытындысы бойынша жоғары деңгейлі ойын көрсете білген қарағандылық волейболшылар екінші орынға ие болып, Кубокпен, дипломдармен және медальдармен марапатталды.

Сонымен қатар, турнирдің үздік ойыншылары ретінде  біздің спортшылар - 8 сынып оқушылары Ходжтогло Ольга және Нурсагатова Лаура танылды. Команда бапкері  - № 66 орта мектептің дене шынықтыру пәнінің мұғалімі Г.Э.Буслович.

Білім бөлімі № 66 орта мектеп командасын Чемпионаттағы жеңіспен құттықтайды және алдағы уақытта да жаңа спорттық жеңістер тілейді!