2014 жылдық 25 желтоқсан күні № 101 мектеп лицей қабырғасында  Оқушыларға кәсіби бағдар беруде психологиялық қолдау көрсету жұмыстары» тақырыбындағы мемлекеттік тілде жұмыс жасайтын психологтарға арналған қалалық шебер-класс өтті. 

Семинарды мектептің директоры  А.А.Жумабекова мектеп лицейдің кәсіби бағдар берудегі ерекешілігі және лицейдің өміріне тоқталса, директордың бейіндік оқыту ісі жөніндегі орынбасары М.Н.Козловская «Оқушыларға кәсіби өзін анықтауын кәсіби проба арқылы қалыптастыру» тақырыбында ой бөлісті. 

Шебер – класс барысында лицей психологы С.Б. Ильяшова профессиограмма мен кәсіптер формуласын құрастыру, оқушылармен кәсіби бағдар беруде қолданылатын жаттығулар мен ойын түрлерінің жинағымен, қорқыныштан арылу және өзіне деген сенімділікті қалыптастыру техникалаларын қатысушы психологтармен біріккен іс –әрекет барысында жүзеге асырса, әдістемелік қорды арттыруда жаднамалар жинағы мен кәсіби бағдарды диагностикалық жүзеге асыруда қолданылатын әдістемелер жинағымен таныстырды. Шебер-класс қорытындысы аталған тақырыптың психологтар үшін маңыздылығын атап көрсетті.