2014 жылдың 25 желтоқсанда №58 ЖББОМ аясында Қарағанды қаласы мектеп директорларының ҒӘЖ жөніндегі орынбасарларына арналған «Эксперимент аясында толық күнді мектепте дамыту сыныптары: «Сатылы дифференциалды принцип бойынша толық күнді мектеп-кешені моделін жасау» тақырыбы бойынша қалалық семинар өтті. Семинардың теориялық бөлімінде  директордың эксперимент жұмысы жөніндегі орынбасары Ж.Е.Күзембаева «Дамыту сыныптары – табысты оқыту негіздері» тақырыбында, мектеп психологы Г.К.Джапарова «Эксперименттегі дамыту сыныптарын психологиялық бақылау және оған қолдау көрсету» тақырыбында сөз сөйледі. 

     Практикалық бөлімде бес топқа бөлінген қонақтарға бағдарлы парақ бойынша күннің екінші жартысындағы: 

• Ән

• Хореография

• Бейнелеу өнері (бейнелеу студиясында)

• Спорттық ойындары

• Психологиялық жеңілдену сағаты

• Ағылшын тілі  сабақтарынан үзінділер көрсетілді. 

Семинар барысында эксперимент жұмысының мәселелері мен даму болашағы, сонымен қатар эксперимент кезіндегі психологиялық сұрақтары талқыланды. Теория және тәжірибелік бөлімді мектеп директоры Балгабекова Татьяна Владимировна  SWOT-талдаумен қорытындылады. 

Семинар соңында №9 гимназияның  ҒӘЖ жөніндегі директордың орынбасары Ананьева Н.А. «Практикалық-бағдарлы тапсырмалардың зерттемесі» тақырыбында ЖОМ өткізді.