«Олимпия» ресторан кешенінде 2014 жылғы 24 желтоқсанда Қазақстан Республикасының Президенті атынан жаңа жылдық шырша мерекесі  өтті. Жаңа жылдық мерекеге 100-ден астам бала және олардың ата-аналары, облыстағы білім беру ұйымдарының мұғалімдері қатысты. Қарағанды  қаласынан мерекеге №25, 33, 58 орта мектептердің оқушылары қатысты.

Балаларға арналған ертегі кейіпкерлерінің қатысуымен қызықты мерекелік бағдарлама көрсетіліп, сонымен қатар өз құттықтауларын балалар мен жеткіншектер Сарайының «Бозторғай» вокал студиясы, «Искорка» үлгілі хореографиялық ансамблі және №39 гимназияның «Шолпан», №66 орта мектептің «Аяла» үлгілі хореографиялық ансамбльдері ұсынды.

Мереке  соңында  балаларға  сыйлықтар берілді.