Қазақстан Республикасының Тәуелсіздік Күнін мерекелеу аясында Сұрыптау кентіндегі балалар мен жеткіншектер Сарайының бөлімшесінде 2014 жылғы 15 желтоқсанда «Жас Ұлан» бірыңғай балалар мен жеткіншектер ұйымының қатарына Октябрь ауданы мектептерінің 50 астам оқушысын салтанатты қабылдау өткізілді.

Оқушыларды  Елбасы Н.Ә. Назарабаевтың бастамасымен құрылған «Жас Ұлан» бірыңғай балалар мен жеткіншектер ұйымы қатарына қабылдаудың басты мақсаттары: өскелең ұрпаққа патриоттық тәрбие беру, балалардың танымдық және шығармашылық белсенділіктерін  арттыру, сонымен қатар әлеуметтік маңызы бар бастамаларды іске асыру болып табылады.  

Ісшара барысында «жасұландықтар» ұйымның салтанатты антын қабылдады, ал арнай шақырылған қонақтар, олардың ішінде педагогикалық еңбек ардгерлері, мұғалімдер, Қарағанды қаласы білім бөлімінің мамандары балаларға көк түсті галстуктерді тақты.

Қабылдау соңында концерттік бағдарлама ұйымдастырылды, онда балалар мен жеткіншектер Сарайы бөлімшесінің «Балдаурен» домбыра үйірмесінің, «Назқоңыр» вокал-эстрада ұжымының, әртүрлі республикалық байқаулыр мен фестивальдардың жеңімпазы М. Мауияновтың өнерлері және басқа да музыкалық құттықтаулар тамашаланды.

Сонымен қатар, қабылдау барысында ісшараға қатысушылардың назарына бөлімшеде жұмыс істейтін «Веселый карандаш», «Асыл мұра», «Сундучок идей» және басқа да үйірмелерге қатысып жүрген оқушылардың шығармашылық жұмыстарының көрмесі ұсынылды.