Қарағанды қаласы білім бөлімінің қолдауымен 2014 жылғы 28 қарашасында №9 гимназия аясында Қазақстан Республикасы Тұңғыш Президентінің Күніне арналған «ЭКСПО-2017» Халықаралық мамандандырылған көрмені дайындау және өткізу аясында оқушылардың шағырмашылық жұмыстарының көрмесі өткізілді.

         Осылай, оқушылар өздерінің тәжірибелі үлгілерін, макеттерін ұсынып, табиғи қорларды ұтымды пайдалану, жердегі өмірге ең жақсы жағдайлар жасау туралы ойларымен бөлісті.

         Конкурсқа 13 білім ұйымынан 23 жоба ұсынылды және де №4, 12, 20, 22, 27, 33, 34, 39, 53, 68, 86, 97, 101 білім ұйымдарының оқушылары  қалалық көрмеге қатысқандары үшін диплом және сертификаттармен  марапатталды. Олар өздерінің жұмыстарын «Энергияны үнемдеу», «Жасыл экономика», «Экология» бағыттарында ұсынды.

         Дәстүрлі түрде ЭКСПО-2017 орайластырылған үздік жобалардың авторлары   конкурстың облыстық кезеңіне өздерінің жұмыстарын ұсынады.

         Қаланың білім бөлімі жобалардың авторларына жаңа идеялары, шығармашылықтары үшін, сондай-ақ № 9 гимназия ұжымына осы іс-шараны ұйымдастырғаны үшін алғыс білдіреді.