Қазақстан Республикасының білім және ғылым Министрлігі Қазақстан Республикасының ішкі істер Министрлігімен бірлесіп 2014 жылғы 28 қарашада Қарағанды қаласында «Республиканың білім ұйымдарында құқық бұзушылықтың алдын алудың өзекті мәселелері» тақырыбында Республикалық конференция өткізді.
Конференцияға еліміздің барлық аймақтарынан келген делегаттар, олардың арасында облыстар білім Басқармаларының басшылары және өкілдері, облыстардың ІІД ювеналды полиция бөлімдерінің басшылары, білім ұйымдарының әлеуметтік педагогтары және психологтары, мектептік және аймақтық инспекторлар, сондай-ақ «Өрлеу» БАҰО өкілдері және басқалар қатысты.
№93 гимназия аясында өткізілген пленарлық мәжілісте кәмелетке толмағандар арасында құқық бұзушылықтың алдын алу бойынша өткізіліп жатқан жұмыстар туралы білім саласы және аймақтардың құқық қорғау органдарының өкілдері тындалды.
«Сапалы тәрбие бұл Қазақстан Республикасының білім беру жүйесін қарқынды дамытудың факторы» атты баяндамамен ҚР БҒМ тәрбие жұмысы және қосымша білім беру Басқармасының бас сарапшысы К.Е.Жахин сөз сөйледі.
Пленарлық мәжілістің жұмысы № 101 мектеп-лицей және № 91 негізгі мектеп аясында өткізілген секциялық отырыстарда жалғасты.
№ 101 мектеп-лицейдегі секциялық отырыс «Тәрбие жұмысының, психологиялық қызметтің және полицияға жәрдемдесу жасақтарының өзара байланысы кәмелетке толмағандар арасында құқық бұзушылықты ескертудің негізі» тақырыбына арналды. Секция жұмысы № 101 мектеп-лицей директоры А.А. Жұмабекованың «Білім беру жобалары арқылы мектепті басқару моделі» тақырыбындағы баяндамасымен басталды. Секцияның жұмысы барысында директордың тәрбие ісі жөніндегі орынбасарлары Т.В. Чернийдың, М.Е.Арыстанбекованың мектептегі тәрбие жұмысының жүйесі туралы мәліметтері тындалды, сондай-ақ қалалық конкурстардың және следтердің бірнеше рет жеңімпаздары атанған мектептік әскери-патриоттық клубқа қатысушылардың, полицияға қолғабыс етуші шұғыл жасақтарының және жас инспекторлардың көрнекі орындаулары назарға ұсынылды. Одан басқа, делегаттар мен қонақтар үшін Қазақстан Республикасы Тұнғыш Президентінің Залын, Тәттімбет атындағы мұражайды, «Атамекен» залын аралаумен мектеп бойынша экскурсия өткізілді.
№ 91 негізгі мектеп аясында секциялық отырыс «Кадеттік сыныптар құқық бұзушылықтың алдын алу бойынша жұмыс түрлерінің бірі» тақырыбы бойынша өткізілді. Секциялық отырыс барысында № 91 негізгі мектеп директорының міндетін атқарушы З.Е.Хасенова алғы сөз сөйледі, ал директордың ғылыми-әдістемелік жұмыс жөніндегі орынбасары С.Б.Майтанова мектепте 2011 жылдан бастап жұмыс істеп келе жатқан, «Жас полицейлік» бағыты бойынша кадеттік сыныптардың жұмысын көрсетті.
Отырысқа қатысушыларға кадеттердің, полицияға қолғабыс етуші шұғыл жасақтарының көрнекі орындаулары, сондай-ақ Қарағанды облысы ІІД ЖӘАЖ жасағымен кадеттердің бірлесіп өнер көрсетуі ұсынылды.
Республикалық конференция қорытындысы бойынша мектептерде алдын алу жұмысын жетілдіру, мектептің ата-аналар қоғамдастығымен әрекеттестігін нығайту, сондай-ақ білім ұйымдарындағы әлеуметтік-психологиялық қызмет жұмысының тиімділігін арттыру жөніндегі ұсынымдарды жасау жоспарланып отыр, олар алдағы уақытта білім ұйымдарының назарына жеткізілетін болады.
Авторство:
