Қараша айының 27 күні  №36 ОМ қазақ тілі мен әдебиетінен сабақ беретін  жас мамандар арасында «Қиындық келтіретін тақырыптар бойынша талдау жұмысы» тақырыбында қалалық семинар өтті. Семинар мақсаты тілдік талдауда оқытудың жаңа әдіс-тәсілдері арқылы жас мамандардың кәсіптік шеберлігін дамыту. 

№137 ОМ мұғалімі Базылова А.С. 5 -сыныпқа арналған қазақ әдебиеті сабағының жұмыс дәптерін ұстаздар назарына ұсынса, №53 лицей мұғалімі Садуова Д. тілдік талдауды оқытудың тиімді әдіс –тәсілдері бойынша педагогтармен өз тәжірибесімен бөлісті. 

№36 ОМ мұғалімі Қасым Г.М «Тілдік талдаудың тиімді жолдары» атты коучинг өткізді.Сабақтағы талдау жұмыстары барысында кездесетін қиын сөйлемдер  және  күрделі сұрақтарды шешу жолдары қарастырылды. 

Семинарды жас мамандар өте жоғары бағалады.